CK: dab tsi ua rau koj xav los taug txoj kev hu nkauj Xyooj: nyob hauv yeej tawg rog Nab nyaus (ศูนย์อพยพน้ำยาว) thaum kuv hnub nyug 7xyoo kuv tau paub ib tug tij laug (Npis xyooj) uas ntaus Guitar rau Huab Dawb Band los sis (วงเมฆขาว) nws yog thawj zaug uas kuv tau pom Huab dawb Band ntaus nkauj mas ua cas yuav zoo mloog thiab lom zem tshaj. Ntshe yog vim yav tag los yus tsuas tau hnov nkauj los ntawm Casset xwb. thiaj ua rau kuv nyiam thiab xav tuaj saib lawv ntaus nkauj txhua txhua hnub. Lub sij hawm ib xyoos nkaus uas kuv tau nyob ua ke nrog Huab Dawb tau xyaum ntaus Guitar xyaum hu nkauj los ntawm lawv. Tsis ntev tom qab ntawv peb tau tsiv los nyob hauv lub yeej tawg rog Chiang kham (ศูนย์อพยพเชียงคำ) lub sij hawm thaum nyob hauv yeej tawg rog Chiang kham mas peb tsuas yog xyaum ntaus nkauj thiab hu nkauj txhua txhua hnub tas mus li xwb. Mooj tshaj plaws. Tab sis kuv tseem tsis tau hu nkauj rau lawv nab. Kuv tsuas yog tus nqa khoom nqa luaj kaub tais diav rau lawv xwb (luag 555) Lub sij hawm ntawv mas Huab Dawb ntaus nkauj las voos (รำวง) xwb. thiab feem ntau yog nkauj thaib.
CK: kauj ruam ua ntej ua koj pib hu nkauj yog thaum twg Xyooj: xyoo 1993 Huab Dawb tau rub kuv mus hu nkauj ua ke nrog lawv. Nws yog thawj zaug uas kuv tau nce saum sam thiaj hu nkauj rau tib neeg thaib mloog. Kuv tseem nco tau thawj zaj nkauj uas yog nkauj thaib lub npe hu ยิ่งใกล้ยิ่งเจ็บ (นักร้อง อินคา) xav txog thaum twg mas xav luag tas li vim Music thiab kuv lub suab nyias mus nyias ib yam. Kuv hu tsis nkag Rhythm (จังหวะ) thiab Melody (คีย์) tshaj plaws. (luag 555) tom qab ntawv kuv kuj tau nrog Huab Dawb mus hu nkauj rau qhov ub qhov no. Ntshe yuav luag thoob txhua lub Xeev (จังหวัด) hauv thaib teb no kaj.
CK: hnov hais tias koj txeev mus sib tw hu nkauj thiab Xyooj: yog. Ntshe twb muaj li 13-14 xyoos dhau los lawm. Tiam sis kuv tseem nco tau zoo. Hmo ntawv muaj cov tub thiab cov ntxhais li 30 leeg uas tuaj sij tw hu nkauj
CK: koj puas kam qhia tias koj xeem tau thib dab tsi Xyooj: tsis qhia kuj tau kaj (txaj txaj muag li) kuv poob thaum lwm ib lawm (luag 555)
CK: koj xuv nkauj (อัลบั้ม) ua ntej tshaj plaws. Twb tawm tau pes tsawg xyoo los lawm. Thiab vim li cas cov phooj ywg feem coob tsis txeev tau hnov dua li. Xyooj: kuv xuv nkauj ua ntej tshaj plaws lub npe อัลบั้ม “yog koj muaj siab” tawm rau lub 7hlis xyoo1997 thawj zaj nkauj uas kuv sau yog “Suab nag poob” lub sij hawm thaum ntawv tsuas yog muaj Casset xwb. tsis tau muaj CD li. Kuv xav tias qhov uas cov phooj ywg coob leeg tsis tau hnov txog xuv nkauj no los ntshe yog vim peb tsis tau Promote (โฆษณา) thiab tsis tau muab muag tawm.
CK: lub npe TX muaj chaw mus chaw los li cas Xyooj: lub npe TX nws txhais hais tias (Toog Xyooj) yog ib xuv nkauj uas wb hu ua ke. Tawm rau lub 7hlis xyoo 2002 lub npe อัลบั้ม “yog muaj koj” nyob Qhaij (ค่ายสังกัด) APPLE (USA) lub sij hawm thaum ntawv nkauj hmoob Pop Rock tseem muaj tsawg heev thiab tib neeg tsis tshua nyiam mloog nkauj Pop Rock pes tsawg. Lub caij nyoog dhau mus 1xyoos kuj tsis hnov kev teb txais los ntawm peb haiv hmoob li. Tiam sis kuv muaj kev vam hauv siab tas li hais tias muaj ib hnub peb cov tub hluas ntxhais hluas hmoob yuav tig los mloog nkauj สตริง hmoob. Tsis ntev tom qab xwb ua cas pheej hnov lawv cav txog zaj nkauj “Dab ntxwg nyug” thiab hnov qhov ub qhov no tso wb li nkauj. Tsis ntev wb thiaj li pib mus hu nkauj rau ob peb qho. Kuj tau pom hais tias hmoob hu tau wb li nkauj thiab. Ua rau kuv zoo siab heev.
CK: thiaj li muaj TX2 ntxiv los Xyooj: yog. 2xyoos dhau mus xwb Toog wb rov qab tawm dua ib xuv nkauj 2 Lub npe อัลบั้ม “Laib Laus” rau lub 2hlis xyoo 2004 thiab xyoo no yog xyoo uas kuv tau rub kuv cov kwv peb los xyaum nkauj thiab ua Concert ua ke.
CK: lub npe TX hloov los ua Laib Laus tau li cas Xyooj: tsis ntev tom qab ua xuv nkauj Laib laus tas tawm Toog wb tau los sib tham thiab xav hais tias xuv nkauj tom ntej no ntshe nyias yuav ua nyias. qhov no twb yog vim muaj qee yam uas yus tsheem tsum hauv lub neej. tom qab ntawv Toog tau mus siv lub npe Typhoon. ho kuv siv lub npe Laib Laus. kuv nrog cov kwv peb pib ua Concert thawj zaug nyob rau lub zos (npam lum) บ้านไทยสมบูรณ์ อ.เวียงเเก่น จ.เชียงราย thaum lub 12hlis xyoo 2004 txij thaum ntawv los peb tau mus Tour Concert yuav luag txhua xyoo los txog niaj hnub no.
CK: koj xuv nkauj (อัลบั้ม) DAJ DEE tau kev teb txais zoo li cas xwb Xyooj: kuv xuv nkauj no yeej xav thiab sau tau los ntev lawm ua ntej thaum kuv yuav mus kaw. kuj yog ib xuv nkauj uas zoo kawg. raws li peb mus ua Concert txhua txhua qhov mas kuj pom cov phooj ywg puav leej hu tau. thiab raws li saib lus Comment hauv youtube los kuj tau lus teb txais ntawm cov phooj ywg zoo heev. thov ua tsaug txhua leej txhau tus los ntawm no thiab.
Copyright (c) 2010-2013 Laib Laus All rights reserved
